Enn af kápunni.

Við fengum annað uppkast af kápunni í gær. Það sama og við höfum valið en búið að vinna meira í. Trúlý þá líkaði okkur best við fyrra uppkastið en viljum örlitlar breytingar á því. Held við Hildur Enóla séum mjög erfiðar, kröfuharðar eða óákveðnar og með fullkomnunar áráttu. Sama hvað það er, þá er nokk svo ljós að það er erfiðara að vinna fyrir tvo ólíka höfunda svo þeir séu báðir ánægðir, er það ekki bara málið? Eigið góðan dag.

Hjálp!

Nú er komið að því allra erfiðasta og það er að markaðsetja sig. Oft er þörf en nú er neyð. Ég er bara Sirrý Sig. Ertu með hugmynd að góðri markaðsetningu sem kostar ekki hönd né fót, þarf líka að halda hvítunum í augunum. Hjálp!

Uppkast af kápunni

Þetta er uppkast af bókakápunni sem við Hildur Enóla völdum. Hvernig líst þér á?

Höfnun

Var að fá höfnun á barnasögunum hjá útgefanda, held að sögurnar hafi verið lesnar án þess þó að vita það. Spurning hvað ég geri í framhaldi af þessu í ljósi þess að þetta var útgefandi númer 4, veit að þrír lásu ekki. Minnir mig svolítið á árið 2006 þegar ég ákvað að skella mér í skóla til að læra prentsmíði til að geta gefið bækurnar mínar sjálf út. Ég lauk náminu en hrun, atvinnuleysi og fleira spilaði inn í og breyttu öllu plani en núna er ég langleiðina komin á þennan stað. Veit samt ekki alveg hvað ég á að gera. Ætla að kúra með yndislega eiginmanninum yfir mynd og leggja sögur og skrif á hold í kvöld. Knús á ykkur.

Valkvíði dauðans

Uppkastið af bókakápum komið. Það er Keri Knutson sem hannar. http://alchemybookcover.blogspot.dk/ 

 

Hvað myndir þú kaupa? Endilega segðu þitt álit.

http://www.facebook.com/pages/Sirr%C3%BD-Sig-rith%C3%B6fundur/164873766880460 

 

 

 

 

 

Nafn

Við Hildur Enóla erum búnar að velja nafn á útgáfuna okkar og munum upplýsa það á allra næstu tímum eða dögum.

Kveðja Sirrý Sig.

 

Bókakápa

Uppkastið af kápunum komnar í hús. Við Hildur Enóla erum að skoða herlegheitin. Get lofað ykkur að þetta er ógeðslega erfitt val. Samt er þetta allt saman mjög spennandi.

Endalaust eitthvað.

Ætli það sé eitthvað spennandi að gerast í bókaheiminum? Skyldu þetta verða bókajól eða rafbókajól? Auðvitað er ekkert þar á milli.

Fyrir utan allan hausverkin af útgáfumálunum þá bættist við hausverkur af markaðsmálum líka. Hlakka bara til að geta sest niður og tæmt hugann og skrifað um lífsins dásemdir og skrattans böl.

Njótið lífsins og hugsið til mín.

 

 

Einu sinni en ekki of seint

Einu sinni var ég virkur bloggari en svo eyddi ég öllu mínu bloggi einn daginn og dauð sé eftir mörgu sem þar stóð, til að mynda plotti af sögunni um Jens og co. sem var kominn langt á veg og margir fastir lesendur sem biðu spenntir eftir framhaldi. En svona er víst lífið og það má segja að það sé ekki orðið of seint að endurvekja þessi föstu skrif en auðvitað taka þau sinn tíma. Allt tekur sinn tíma, skrifin, fésið, pósturinn, vefurinn... og svo mætti lengi telja.

En af mér er helst að frétta að ég er að huga að útgáfumálum þessar vikurnar og langt á veg kominn með undirbúningsvinnuna enda er fullt af stórgóðu fólki sem vinnur með mér. Hildur Enóla er ein af þeim og minn æðislegi skriftar og útgáfufélagi. Okkur langar að gera svo marga góða og skemmtilega hluti á bókamarkaðinum og tíminn verður að leiða í ljós hvernig okkur tekst til. 

Ég ætla ekki að þreyta ykkur með löngum skrifum, læt ykkur hafa þetta í skömmtum eftir svona langt hlé.

Kveðja Sirrý Sig.